مع انو ما في حكي

سلام قبل الحكي

مش تنفيذ الاغنية ككليب , وهو بالحقيقة اي تنفيذ مش ممكن ينصفها , هو اللي مخليني احطها هون

بس الاغنية نفسها, اللحن و الكلمات و الاداء العادي جداً. وتحديداً لأنو عادي جداً و زي حكي القلب اللي ما بينقال, لامبالاة او مكابرة سخيفة مرات, بتاخدني بحالة بحس حالي فيها كتير حقيقية والبكى بيطلعلي ع اسمها.

هي سلام حقيقي لروحي لأنو بتطهرها من كل اغلفة التعايش و النسيان المصطنع و بتفلت بالقلب و بالعيون دموع حقيقية تماما

دايما بس اسمعها بفكر انو هي لكل شي حلو مهم و غايب عني بهالحياة , قسراً او بإرادتي:
التفاصيل المجنونة اللي ما في شفا منها.
حيفا اللي ع قد ما هي قريبة ع قد ما بيني وبينها "ناس و دول" وخيالات.
حبيبي اللي ما بعرف لو بلحظة حبني, وما بعرف لو بعطيه عمري اذا بيرضى يقلي مرة وحدة حقيقة الاشيا وليش وقف بيننا الحكي وامتلى قلبي الوجع
وجه امي بس تفيق الصبح راضية, وتبلش تعمل قهوتها ع رواق و تحلي الدنيا و اغاني فيروز بصوتها.
مدينتي اللي عم تتغسل بدموع خريف بيفل ع بكير, وبيترك بحرها و سماها لشتا الحنين و الذكريات اللي كلما بتبعد.
الاصحاب اللي بيني و بينهم حدود و دول ومواجع ما في طاقة غير للمولودين بقدر فلسطيني بإمتياز انو يتحملوها

رانيا , اول وحدة سمعت معها هالسلام اللي بيغني عن كل حكي

ورشا , بكرية , ميسون , ميسا , عريب ومنى , مهند و ابراهيم ويحي و علاء

هالغنية الكم انتو يللي معرفتكم فيها كتير سلام لروحي الخوتة

::


وبعد الحكي

و مع انو ما في حكي, في
هون تحية لعود ما بيعزفني

عكا مش لحالها, فلسطين اللي لحالها

يورد احد الاصدقاء خبراً سريعاً و مقتضباً عن "الاحداث" في عكا ليل الاربعاء. لا اجد اي اثر للخبر في اي موقع او على شاشة اي فضائية.

بعد يوم تضج رائحة الخبر صحيحة و مباغتة لمن لا يريد ان يعمل عقله في ماهية اسرائيل.

على الفايسبوك وفي شبابيك المسنجرات تجري الاحاديث و التعليقات وترفع الاعلانات "عكا مش لحالها" و"لو خافت عكا من البحر ما مدت سورها بوج موجه" و كلام انشائي جميل يحاول درء الفراغ المستفحل في العقل و الضمير الانفعالي لاغلب "العرب"

تستغرب صديقتي لا مبالاتي حيال الموضوع, لا صورة ولا اسماً مستعاراً عبر وسائطي التكنولوجية يحيي "صمود" عكا ببنيها العرب بوجه قطعان المستوطنين

يزعجني هذا الخلط الفظيع في جهله بين التعابير. اؤكد لنفسي ان أمة "أقرأ" لا تفقه معنى نصف ما تقرأ ولا تعرف كيف تستخدم ما تفهمه اصلاً بالشكل الصحيح.


ما علينا

هذه الكتابة ليست للناس و لا لخبلهم البرئ و طيب نواياهم الغبية احياناً , إذ يظنون ان اسرائيل سترضى بوجود ملايين العرب الذين يفرخون فيها سنوياً و يتزايدون الى الحد الذي يجعل قادتها يصرحون بنواياهم علانية تجاه اولئك "العملاء" الفلسطينين الصغار الذين يعيشون ما بين ظهرانيهم

هذه شتيمة بوجه وفي منتصف ضمير كل من سولت له نفسه ان يتناسى حارق دمنا و يقنع نفسه _زوراً , بهتاناً_ ويحاول إقناع من حواليه ان اسرائيل جديرة بأن تكون "شريكاً" في سلام الشجعان

عكا محطة اخرى تقول فيها الدولة المغتصبة انها ما زالت تماماً كما هي في العمق, وانها ماضية في تصحيح خطأها التاريخي بعدم الاستفادة من درس جنوب أفريقيا "بتطهير" الارض المحتلة من سكانها الاصليين


للمستغربين والمستهجنين و المتضامنين, رجاءً, وسعوا الافق قليلاً بعد

"عكا مش لحالها" عظيم: اين بقية الارض المحتلة عام 1948 ترفع صوتها عالياً في وجه محاولات التهجير و التضييق والتهويد؟
كيف إذن"عكا مش لحالها"؟


و"عكا مش لحالها", لكن غزة و مثلها كل "فلسطين" تغازل وحدتها وصدى الفراغ رهيب

قمر 14

قمر مكتمل!

وأرقي مكتمل, ثمة ما في هذا الضياء ينقض على النوم و يقضي عليه في عيوني.

قمر مكتمل!
والألم على اهبة أنين, فلا شيء في كل هذه الضي يضئ , ولو قليلاً, من عتمة روحي.

قمر مكتمل!
قمر "المماحين" حسبما وصفه ذات شتاء من عصفت بي برودته اللاحقة حد الصقيع.

::

قمر مكتمل!

استعير ظنون اميلي بولان و اسرح: كم شهقة ارتواء لاجساد عاشقة المتعة ترتفع في هذه السماء الساكتة عن اسرار من تحت قبتها الهائلة؟

استعير خيالات طفولتي و افكر بكل الكائنات التي ستخرج في حضرة قمر لتبدأ مهرجانات الشقاوة فتتشكل مسلسلات الكرتون الجميلة أمام عيني من جديد

استعير تنهدات العشاق واشرع قلبي نبضاً في افق السواد المنقط بنجمات بعيدات ليعزف ألحان الاشتياقات المستحيلة

استعير شهقات السهارى في ليالي القهر و ألوذ بطيف ضحكتك تخفف جراحاً تخلفها فتتخفف حتى تصير كأنها الهباء, او حلماً ما كان له اصل و لا أساس

استعير وجهك يوم كان قمري و اصابعي حين كانت تبعث خفق الفراشات في شعرك ودبيب النمل في جلدك

استعير قيافة غزالة ترمح في المدى حافية لتستحم بضوء القمر واركض بكل افكاري و هفواتي و ذاكرتي المرتعشة اليك, عليّ اذا ما وصلت تتبع نقر خطاي على وجه الليل. و اذا وصلت ذات تعب تلمني في فيء عينيك التي تشرق منها شموس عمري الجديد
::
قمر مكتمل!

شوق مكتمل
ابتعاد يكتمل
وعمر ينقص اكتماله بمسافة قمر , كل سهر

Rhetorical Question

بحبك؟
شو بحبك؟

اكتر من اي شي بحبك
بينك و بين حالك حتى ما تفكر اذا او شو بحبك
اسأل كيف ممكن اكون لولا بحبك؟
وشو كل الاشيا تافهة و غبية و بلا طعمة اذا مش معك و عنك و الك؟
وشو الحكي صغير وقليل و بيضلو بس حكي اذ مش معك وعنك و الك؟
وشو الدنيا اذا مش عشانك عم بتدور كرة ارضها و بتشرق شمس سماها؟

وشو كل شي الا لانو انت فيه ؟

شو بحبك!
شو بحبك !
شو بحبك !

وشو صعب اني ما اقدر اقول

ورح ابلع الحكي واغص بهالكلمة و ما اقول
يمكن لو قلتها كمان مرة تفل ولا بقى تسمع و يموت ع لساني وكمان بقلبي كل الحكي
بسكت كمان وكمان
وبقول خلي اللغة خرسا والقلب عم يبنطق بينو وبينو بحبه اللي ما بيخرس نبضه لحظة
بخرس انا حتى ما اموت
بخرس لأنو بحبك انت وما بدي اخسرك بعد
بخرس لتضل بحياتي واعرف بس انو بكرا ممكن طالما انت بتضحك
بسكت و ما بقول
بس قلبك اكيد بيقدر احسن مني يقلك
اذا عبالك تعرف
انت بس اسألو و هو رح يقلك: شو بتحبك