تشات بنات

هذا الحديث المسنجري جرى بيني و بين صديقتي المدونة "جولانية" عصر اليوم, وصداقتي بجولانية الجميلة _كشامنا_ تعود الى زمن التعافي من الموت, والاقبال مجدداً على حياة بالتأكيد هي, ومن بمثل روحها الحرة , من أجمل ما فيها

في التشات انا بثابتة "اهلي و ناسي" وجولانية بنداء

"Help us Aiding Nahr el Bared "

كونها ناشطة فاعلة في حملة اغاثة المخيم مع مجموعة تعمل بدأب خلية نحل على الموضوع, يعطيكم الف عافية جميعاً

ورانيا المذكورة كذا مرة في مدونتي هي صديقة مشتركة بيني وبين جولانية ,وبالنسبة لي هي "ابلة رانيا"التي اقاسمها الكثير مما في روحي

وبخصوص المعلومة عن استقبال ريغان للمجاهدين الافغان , فقد وثقها إقبال أحمد ونُشرت في كتاب له,وكذلك ضمن مقالة"ارهابنا و ارهابهم"التي خص بها مجلة الآداب في عددها عن شهري ايلول-تشرين الاول 2001

و: إليكم تشات بنات البلوغات

:)

Help us Aiding Nahr el Bared says:
اي
Help us Aiding Nahr el Bared says:
عم تعملو شي بصور؟
أهلي وناسي says:
لا
أهلي وناسي says:
انا عالاقل عن نفسي ما عم بعمل شي بصور
Help us Aiding Nahr el Bared says:
شو رأيك تعملي محاضرة بتاء مربوطة
Help us Aiding Nahr el Bared says:
انتي ورانية
Help us Aiding Nahr el Bared says:
متل مراجعه لخبار الصحف اللبنانية
Help us Aiding Nahr el Bared says:
وكيف غطت احداث نهر البارد
Help us Aiding Nahr el Bared says:
معك شهر
Help us Aiding Nahr el Bared says:
على فكره
Help us Aiding Nahr el Bared says:
انا كنت عم دور على مدونتك
Help us Aiding Nahr el Bared says:
ابعتيلي الموقع
أهلي وناسي says:
www.bas7aky.blogspot.com
أهلي وناسي says:
كنتي بتلاقي رابطها من مدونة الافتراضي
Help us Aiding Nahr el Bared says:
اه
Help us Aiding Nahr el Bared says:
عنجد الافتراضي زريف
Help us Aiding Nahr el Bared says:
بس شكلو ناشف
أهلي وناسي says:
انتي اللي عم تعلقي بمدونته بإسم "سورية"؟
أهلي وناسي says:
لا مش ناشف, بس مزاجي
Help us Aiding Nahr el Bared says:
لا انا اسمي جولانية
Help us Aiding Nahr el Bared says:
من فتره كان اسمي شام
Help us Aiding Nahr el Bared says:
بس مو سورية
أهلي وناسي says:
بعرف انو انتي شام و جولانية
أهلي وناسي says:
بس مش عارفة مين هي سورية
أهلي وناسي says:
اللي اجرها باهمية طيز الافتراضي ع شوي
أهلي وناسي says:
:)
Help us Aiding Nahr el Bared says:
هاها
Help us Aiding Nahr el Bared says:
بالله بتعرفي انو انا جولانيه؟
أهلي وناسي says:
ايه
أهلي وناسي says:
لأنو تبعت اللينك وصلني ع مدونتك
أهلي وناسي says:
انتي عطيتيني مدونتك من قبل
Help us Aiding Nahr el Bared says:
ليش مابشوفك على المدونات اللبنانية؟
Help us Aiding Nahr el Bared says:
aggregator
أهلي وناسي says:
انا؟
أهلي وناسي says:
لأنو ما بعرف كتير بالتكنولوجيا
أهلي وناسي says:
يعني ما رح اعرف اصلا كيف اوصل حالي ع هيك مطرح
Help us Aiding Nahr el Bared says:
اه انا يمكن ضفتك على البلوغ العربي تبعي
Help us Aiding Nahr el Bared says:
هاها
أهلي وناسي says:
بعدين انا اللي بدي يعرفو مدونتي هني فلسطينين بالاغلب
Help us Aiding Nahr el Bared says:
مابدك هالمعرفه
أهلي وناسي says:
;)
أهلي وناسي says:
انا مدونتي بحسها مساحتي لاتواصل مع ناس بتشبهني
أهلي وناسي says:
لبنانيا مش رح اكون مقبولة"وما بدي قبولهم اصلا"
أهلي وناسي says:
بيكفي كتبت شي عن العار وقت نهر البارد
أهلي وناسي says:
مية حدا لبناني علق بكراهية عليي
أهلي وناسي says:
قال انا لبنانية بكره نفسي
Help us Aiding Nahr el Bared says:
ممم
أهلي وناسي says:
:):):)
Help us Aiding Nahr el Bared says:
يا ستي انا اتهموني بالعنصريه تجاهن
Help us Aiding Nahr el Bared says:
قال انا عنصريه ضد اللبنانيه
أهلي وناسي says:
بشرفك في حدا لبناني مخه بعرض اصبعتين وبحب نفسه؟
أهلي وناسي says:
هيدا دليل انو انتي عم تشتغلي صح
أهلي وناسي says:
لو فهمو انك بتحبيهم, هونيك كانت وقعتك السودا
أهلي وناسي says:
هاهاها
Help us Aiding Nahr el Bared says:
هههه
Help us Aiding Nahr el Bared says:
قولتك
أهلي وناسي says:
خلصتي جامعة؟
Help us Aiding Nahr el Bared says:
عم احكي على الشعب
Help us Aiding Nahr el Bared says:
وبالاخص العونية
Help us Aiding Nahr el Bared says:
كتبت شي على سر توافق مسبق بين 8 و14 مع بعض وراء الجيش
أهلي وناسي says:
العونية اعتبروكي عنصرية؟
Help us Aiding Nahr el Bared says:
لا
Help us Aiding Nahr el Bared says:
شبك
Help us Aiding Nahr el Bared says:
العونية مع الجيش
أهلي وناسي says:
ليكي, حفلة دعم الجيش و التفوه بالقرف الوطني هيدي بدهم يدفعو ثمنها بعدين 8 اذار اكتر من 14
Help us Aiding Nahr el Bared says:
وبقوه
Help us Aiding Nahr el Bared says:
اللبنانية بشكل عام اعتبروني عنصريه
أهلي وناسي says:
وحزب الله ساكت بهالمرحلة
Help us Aiding Nahr el Bared says:
مو بس العونية
Help us Aiding Nahr el Bared says:
صح
أهلي وناسي says:
لأنو بصراحة المعارضة خسرت كتير من لما بلشت تستهبل بقصة الاعتصام
أهلي وناسي says:
حزب الله لقموه حجر اليونيفل هلق يلتهي فيه
Help us Aiding Nahr el Bared says:
اي نعم
أهلي وناسي says:
هلق عنجد المعارضة عم تتقهقر
أهلي وناسي says:
واصلا هني كبروا حجر اسقاط الحكومة من الاول
أهلي وناسي says:
و14 اذار عارفينهم مأزومين
أهلي وناسي says:
فعشان هيك ضاربين راسهم بالسما وما عم يتنازلو بولاااااااااااااا زاوية
أهلي وناسي says:
بالعكس, عم يحشرو8 اذار (وعون تحديدا) كل مرة اكتر
Help us Aiding Nahr el Bared says:
http://ya-ashrafe-nnas.blogspot.com/2007/06/blog-post_23.html
Help us Aiding Nahr el Bared says:
هادا ياللي كتبتو وجاني رد عليه
Help us Aiding Nahr el Bared says:
عندك فيس بوك؟
أهلي وناسي says:
لا
أهلي وناسي says:
مش عارفة العب عليه هالفيس بوك انا
أهلي وناسي says:
هاهاها
Help us Aiding Nahr el Bared says:
هههه
Help us Aiding Nahr el Bared says:
انا رح اترك لبنان بعد شهر
Help us Aiding Nahr el Bared says:
مشان ركز على الاطروحه
Help us Aiding Nahr el Bared says:
بس قبل ماترك
أهلي وناسي says:
طالعة ع الشام؟
Help us Aiding Nahr el Bared says:
حابه اعمل شي لنهر البارد والسورية
Help us Aiding Nahr el Bared says:
اي
أهلي وناسي says:
شي زي شو؟
Help us Aiding Nahr el Bared says:
التغطية الاعلامية بائسه على ياللي صار مع نهر البارد
أهلي وناسي says:
عم يغطوه من ناحية امنية
Help us Aiding Nahr el Bared says:
والتركيز كلو على معاناة اللبنانيين والجيش

أهلي وناسي says:

بالزبط, خليهم فرحانين اكتشفوا انو عندهم جيش و بيقوص قوي كمان
Help us Aiding Nahr el Bared says:
ياللي عم فكرو
أهلي وناسي says:
انسانيا ما بيعنيهم الموضوع
Help us Aiding Nahr el Bared says:
انو نعمل شي اعلاميا
أهلي وناسي says:
طالما الصنيورة جعر "اخي الفلسطنيي"
أهلي وناسي says:
فضميرهم هني كتير مرتاح
Help us Aiding Nahr el Bared says:
انا بدي صور وثايقي
أهلي وناسي says:
حلو
Help us Aiding Nahr el Bared says:
انو اعمل مقابلات
أهلي وناسي says:
اسمعي
Help us Aiding Nahr el Bared says:
لك ياكل خرى هادا
Help us Aiding Nahr el Bared says:
اي المهم
أهلي وناسي says:
بتعرفي ...؟
Help us Aiding Nahr el Bared says:
انو بدي اعمل هادا الوثائقي
أهلي وناسي says:
هو مصور وكالة ...؟
Help us Aiding Nahr el Bared says:
لا
Help us Aiding Nahr el Bared says:
اه
أهلي وناسي says:
وعم يشتغلو ع مشروع اسمو "لحظة" مع الاطفال من نهر البارد اللي بالبداوي هلق
Help us Aiding Nahr el Bared says:
حلو
أهلي وناسي says:
بيعطو الاطفال كميرات ليصورو
أهلي وناسي says:
بعتقد هوي بيقدر يساعدك منيح
Help us Aiding Nahr el Bared says:
اه سمعت عنو
أهلي وناسي says:
ع الاقل لتلاقي مفاتيح توفر عليك تكرار شغل صار مشغول اصلا
Help us Aiding Nahr el Bared says:
للمشروع
Help us Aiding Nahr el Bared says:
ازا هو عم يشتغل على الصغار انا بشتغل على الكبار
Help us Aiding Nahr el Bared says:
عندك رقمو؟
اوكي
أهلي وناسي says:
بشوف كيف اجيبلك الرقم
أهلي وناسي says:
وببعتلك اياه
أهلي وناسي says:
ماشي؟
Help us Aiding Nahr el Bared says:
اوكي

أهلي وناسي says:
قلة من اللبنانين تجدينهم لا يؤيدون الجيش وينددون بما يفعل من قصف عشوائي لمخيم البداوي. بل أن قلة منهم يرى أن "العنصرية" سبب من أسباب اتخاذ هذا الحل العسكري داخل مجمع سكني
أهلي وناسي says:
:(
أهلي وناسي says:
للاسف انو قلة
أهلي وناسي says:
بس يعني من ايمتى كانت" الجماهير اللبنانية" اسم الله عارفة كوعها من بوعها؟
Help us Aiding Nahr el Bared says:
اي نعم
Help us Aiding Nahr el Bared says:
على فكره
Help us Aiding Nahr el Bared says:
رانيا من هالقله
أهلي وناسي says:
اكيد
أهلي وناسي says:
بس يعني هالقلة بتجي 1% من الشعب اللبناني؟
Help us Aiding Nahr el Bared says:
اي انا مابستغرب
Help us Aiding Nahr el Bared says:
انا خسرت كتير عالم
Help us Aiding Nahr el Bared says:
مشان ارائي ضد الجبش
Help us Aiding Nahr el Bared says:
وصراحه لطيزي
Help us Aiding Nahr el Bared says:
:)
أهلي وناسي says:
اللبنانيون يحتاجون للضد ليكونوا.

اللبنانيون يحتاجون لعدو ليكونوا

أهلي وناسي says:
طز يلال للي, اصلاً هيك ناس ما بد ك ياهم
أهلي وناسي says:
انا واخوي منضل خناق بالبيت عشان هالموضوع
أهلي وناسي says:
مرة قال قدامي انو الفلسطنينة بيستاهلو لانو بيعرفوش يقاومو
أهلي وناسي says:
بدليل شو بيعملو ببعض بغزة
Help us Aiding Nahr el Bared says:
اوف
أهلي وناسي says:
قلتلو شعبك العظيم اللي بيعمل حرب اهلية كل 30 سنة ليش؟
أهلي وناسي says:
مقاومة ؟
Help us Aiding Nahr el Bared says:
عم يبسط الامور اخوكي
أهلي وناسي says:
وحتى المقاومة اللي عملت شي مش كل لبنان عملها
أهلي وناسي says:
عملوها الجنوبيين اللي بيشبهو الفلسطينين بمعناتهم
أهلي وناسي says:
اخوي منساق ورا رؤية 8 اذار
أهلي وناسي says:
بيحب السيد وهيك
Help us Aiding Nahr el Bared says:
اها
أهلي وناسي says:
فهلق بعتقد جماعة الحزب شايفين انو الجيش لازم يخلص التيار السلفي
أهلي وناسي says:
والا بيهدد سلاحهم تنامي وجود السلاح بايدي غيرهم
أهلي وناسي says:
تحكي الدغري يا بنوت؟
أهلي وناسي says:
حزب الله مش كل هالقد يعني داير ع الفسطينين بمخيمات اللجوء
Help us Aiding Nahr el Bared says:
انا هادا ياللي عرفتو من وراء البارد
Help us Aiding Nahr el Bared says:
للاسف
Help us Aiding Nahr el Bared says:
كلو عندو مصلحتو
Help us Aiding Nahr el Bared says:
حتى على حساب القضيه
أهلي وناسي says:
طبعا
أهلي وناسي says:
شوفي يا صديقتي
أهلي وناسي says:
قلة فعلا اللي هامتهم القضية لذاتها
أهلي وناسي says:
مش لانها طريق تمر بها مصلحتهم الشخصية او السياسية
أهلي وناسي says:
بعدين ولك انتي كيف تاركتيه يبع لهالهادي؟
أهلي وناسي says:
بدك اضربلك اياه؟
أهلي وناسي says:
بكسرلك راسو برد "لبناني" ع قياسو
أهلي وناسي says:
بقله انا جنسيتي لبنانية وضد الجيش
أهلي وناسي says:
ومش مسلمة انو كل شعب بيدعم جيشه بدليل الاميركان والبريطانين ضد حرب العراق
أهلي وناسي says:
او هيدول مش شايفهم ؟
Help us Aiding Nahr el Bared says:
ههه
أهلي وناسي says:
ع فكرة
Help us Aiding Nahr el Bared says:
انا بحب مارد عالى الحمير
أهلي وناسي says:
سيبك: اصلاًوحدة من متطلبات اللبننة انو يكون الواحد عرص
Help us Aiding Nahr el Bared says:
انا الناس صارت تعرفني
Help us Aiding Nahr el Bared says:
اول احداث البارد
Help us Aiding Nahr el Bared says:
وصلني تعليقات كتير
Help us Aiding Nahr el Bared says:
هاها
Help us Aiding Nahr el Bared says:
ياستي عنجد عندن مشكله
Help us Aiding Nahr el Bared says:
انا اليوم انتبهت لحالي
Help us Aiding Nahr el Bared says:
انو لما بحكي مع اللبناني بحكي سوري
Help us Aiding Nahr el Bared says:
ولما بحكي مع الفلسطيني بحكي فلسطيني
Help us Aiding Nahr el Bared says:
انا شعوريا مابرتاح معن
Help us Aiding Nahr el Bared says:
لهيك بضل عندي شعور اني عم دافع عن سوريتي
Help us Aiding Nahr el Bared says:
مع الفلسطيني غير
Help us Aiding Nahr el Bared says:
وحتى وانا عم احكي فلسطيني انا سوريه
Help us Aiding Nahr el Bared says:
انتي كاتبه على المدونه تحليلك مين هني فتح الاسلام؟
Help us Aiding Nahr el Bared says:
انا عنجد بدي اعرف ازا سوريه الا علاقه
أهلي وناسي says:
لا
أهلي وناسي says:
انا برأيي فتح الاسلام الهم نفس جذور القاعدة
أهلي وناسي says:
بدك تسمعي رأيي بالمضوع؟
Help us Aiding Nahr el Bared says:
اي
أهلي وناسي says:
انا بشوف انو كل هالجماعات السلفية تعود بأصل نشأتها الرسمية اذا بدك الى ايام الحرب الباردة مع السوفييت
أهلي وناسي says:
بوقتها الامريكان كان بدهم يوجعو الخاصرة السوفياتية من ناحية الافغانية
أهلي وناسي says:
طلبو من ملك السعودية و السادات و عملائهم بالجزائر انو يقووا المد الاسلاموي ضد الشيوعيين الكفرة
أهلي وناسي says:
بوقتها بن لادن تزعم حركة المجاهدين العرب بافغانستان
أهلي وناسي says:
واستقبله ريغان هو ومجموعة من زعماء العصابات الاسلاموية بالبيت الابيض بالمكتب البيضاوي ووصفهم بقوله هؤلاء هم المعادلون الاخلاقيون لأباء امريكا المؤسسين
أهلي وناسي says:
ومولت امريكا هذه العصابات حتى" انتصرت" على السوفييت
أهلي وناسي says:
ولكن حين عاد بعض افراد هذه العصابات الى بلادهم
أهلي وناسي says:
سببوا مصائب
أهلي وناسي says:
منها القتل في الجزائر
أهلي وناسي says:
والاحداث الارهابية للاصوليين في مصر, ومن ضمنها اشيا برأيي مش ارهابية كتير زي اغتيال السادات
أهلي وناسي says:
ولاحقاً, في السعودية
أهلي وناسي says:
هالنوع من الحركات لا يمكنه ان يستمر الا بايجاد عدو للعقيدة
أهلي وناسي says:
"نوع من اللبننة بس ع نطاق اوسع ومن منطلق ديني"
أهلي وناسي says:
هع هع
أهلي وناسي says:
وبالتالي: غذا الزعماء اللي بقيو بافغانستان كراهيتهم المتنامية لامريكا (واعادو ربط انفسهم بقواعدهم اللي رجعت ع بلادها ولم يكن نقبلها ممكنا)
أهلي وناسي says:
وطبعا امريكا لم تتخلى تماما عن العصابات التي صنعتها ومولتها
أهلي وناسي says:
بانتظار لحظة مناسبة لاستخدامها مجددا
أهلي وناسي says:
وع فكرة:طريقة تنظيم هالعصابات ممتازة
أهلي وناسي says:
لاحظي انو خلاياها النائمة لا تعرف رؤوسها
أهلي وناسي says:
لأنو بيشتغلو بطريقة الخلايا العنقودية, بحسب ما بقدر شخصياً احلل من قراءتي القليلة بموضوع حرب العصابات
Help us Aiding Nahr el Bared says:
طيب ممممم*
أهلي وناسي says:
وهي احسن طرق التنظيم لحروب العصابات
أهلي وناسي says:
يعني كل خلية بتكون زي عنقود عنب
أهلي وناسي says:
بس راس العنقود بيعرف رأس العنقود التاني
أهلي وناسي says:
المهم: هالعصابات استمرت تهاوش بالحشيشة و المخدارات و السرقات بافغانساتن
أهلي وناسي says:
بعلم امريكا و متابعتها
أهلي وناسي says:
للحظة اللي تقرر انو تصير احداث 11 ايلول
أهلي وناسي says:
احكيلك ليش برايي وقتها امريكا فعلتهم؟
أهلي وناسي says:
"حاسة اني حكيت جريدة, اضرب انا شو رغاية"
Help us Aiding Nahr el Bared says:
يا ريت
Help us Aiding Nahr el Bared says:
لك لا
Help us Aiding Nahr el Bared says:
بس انا حاسه انو من مصلحه حلف سوريه وايران بالاضافه لاميركا و14 ياللي عم يصير بالبارد
أهلي وناسي says:
اكيد
Help us Aiding Nahr el Bared says:
يعني فينا نبرا سوريه وايران؟
Help us Aiding Nahr el Bared says:
وحماس؟
أهلي وناسي says:
لأنو مش ممكن يكون في مكسر عصا لكل من المعسكرين اليوم غير هيكو بهيك مطرح زي نهر البارد
أهلي وناسي says:
والا فالحرب الشاملة
أهلي وناسي says:
خليني اذكرك بشي صارقبل ايلول 2000
أهلي وناسي says:
بتتذكري مؤتمر ديربون بجنوب افريقيا؟
Help us Aiding Nahr el Bared says:
معناتا الحرب على البارد كونو محاذي لسوريا مو حرب مشان الحدود
Help us Aiding Nahr el Bared says:
لا مابعرفو
أهلي وناسي says:
هيدا المؤتمر اللي صار ضد العنصرية
أهلي وناسي says:
ووقتها نزلت منظمات من 120 بلد بالشوارع ترفع الصوت انو امريكا هي السبب بالعنصرية الوحيدة المتبقية بالعالم و هي اسرائيل
Help us Aiding Nahr el Bared says:
اه اي
Help us Aiding Nahr el Bared says:
عرفتو
أهلي وناسي says:
وانها تدعم قيام نظام ابارتهايد
أهلي وناسي says:
وانها تقيم حصارات على اطفال العراق وضد ايران بدون وجه حق
أهلي وناسي says:
بوقتها امريكا كانت مأزومية تماما بالعالم بالمعنى السياسي
أهلي وناسي says:
مأزومة*
أهلي وناسي says:
لسه ما كانت بدت الانتفاضة
Help us Aiding Nahr el Bared says:
اوكي
أهلي وناسي says:
بس كان العالم كلو يوجه اصابع الاتهام لامريكا بالمسؤولية عن كل مصائب الكون
أهلي وناسي says:
طبعا هالحدث بيتوج مجموعة من الاحداث اللي كانت صايرة قبل
أهلي وناسي says:
بس هالشي برأيي كان بيتطلب انو تنقلب الصورة
أهلي وناسي says:
وتصير امريكا بموقع ضحية
أهلي وناسي says:
بالتالي, اوعزت لعصاباتها بافغانستان ان تنفذ
أهلي وناسي says:
لاحظي انو مدة التحضير ل11 ايلول
أهلي وناسي says:
مش كتير طويلة
أهلي وناسي says:
يقال انو ب5 اشهر تحضر كل شي
أهلي وناسي says:
برأيك اي نظام استخبارات بالعالم "خاصة اوروبا اللي كانت عم تبدا بالتوحد" ممكن يمر منو وبسهولة كل هالشباب المقيمين بطريقة غير شرعية بدون ما يلحظهم حدا؟
أهلي وناسي says:
الا اذا كانت في استخبارات عم تلعب بضهرهم بالمخفي؟
Help us Aiding Nahr el Bared says:
اي اكيد
أهلي وناسي says:
ومن وقتها
أهلي وناسي says:
جردت امريكا حربها ع الارهاب
Help us Aiding Nahr el Bared says:
خصوصا انو من 3 تشهر كان في حاجز للجبش حول البارد
أهلي وناسي says:
واستخدمت هالمصطلح المطاط من اول يوم لتشن حربها "الصليبية"
أهلي وناسي says:
على كل من ليس في صفها تماما
أهلي وناسي says:
من هالخلفية, منجي لليوم
أهلي وناسي says:
شو صار بنهر البارد؟
أهلي وناسي says:
اللي صار انو ببساطة الجيش اللبناني هو اللي عليه العين ليميل كل وضع لبنان لميلة امريكا و كلابها
Help us Aiding Nahr el Bared says:
صح
Help us Aiding Nahr el Bared says:
تماما
أهلي وناسي says:
لاحظي قديش كانو مسعورين جماعة 14 اذار ع الجيش باحداث الجامعة العربية و كل اللي كان عمال يصير؟
Help us Aiding Nahr el Bared says:
مابدزن حدا محايد
Help us Aiding Nahr el Bared says:
بدن*
أهلي وناسي says:
مش بس محايد: المصيبة انو ما بدهم حدا يحمي "لبنان"
أهلي وناسي says:
بدهم هالبلد ولاية امريكية خارج الحدود الرسمية لامريكا
Help us Aiding Nahr el Bared says:
اه مابدن حدا "لبناني" يحمي لبنا
Help us Aiding Nahr el Bared says:
لبنان*
أهلي وناسي says:
ولهالسبب مستعدين يحطمو كللللللللللل اشي
Help us Aiding Nahr el Bared says:
حلو
أهلي وناسي says:
هلق تجي للدغري؟
Help us Aiding Nahr el Bared says:
ال"حسم"
أهلي وناسي says:
انا مش شايفة ولا مقتنعة بشي اسمو لبنان اصلا
Help us Aiding Nahr el Bared says:
ههه
أهلي وناسي says:
هيدا الكيان الهبيلة تاريخيا بقاعه تابع للشام
أهلي وناسي says:
شماله تابع لولاية حمص
أهلي وناسي says:
جنوبه تابع لولاية عكا
أهلي وناسي says:
بس الجبل اللي عمله غورو "لبنان الكبير"
أهلي وناسي says:
وبيروت المدينة العالمية قال كا صارت و تصورت بهالاهمية الا بعد احتلال الصهاينة لحيفا
أهلي وناسي says:
فكذبة هاللبنان انا لا تقنعني
أهلي وناسي says:
وهالجيش اصلا ايمتى كان صمام امان؟
أهلي وناسي says:
ب58 ضد اهل صور وقت كميل شمعون؟
Help us Aiding Nahr el Bared says:
مابعرف
أهلي وناسي says:
بالسبعينات وقت قصف المخيمات؟
Help us Aiding Nahr el Bared says:
كل يوم الشعب بسبو
أهلي وناسي says:
بالحرب الاهلية وقت مزقوه امراء الحرب؟
Help us Aiding Nahr el Bared says:
واصلا هوه ميليشيا
Help us Aiding Nahr el Bared says:
ايام الحرب
أهلي وناسي says:
بعدين طالما هالقد وطني: ليش كل الناس كانت تقتل حالها عشان اولادها ما يأدوا خدمة العلم؟
Help us Aiding Nahr el Bared says:
هاهاها
Help us Aiding Nahr el Bared says:
حلوه
أهلي وناسي says:
يعني هالجيش ما يعملوه الله واسم الله
أهلي وناسي says:
كل عمره اداة بيد السياسيين
أهلي وناسي says:
كان شفنا رجولته وقت حرب اسرائيل علينا
أهلي وناسي says:
هلق الاكيد انو الجيش بهالمعركة إنحشر بباب اليك
أهلي وناسي says:
بس انا بقول انو كل عمر هالجيش الوطني بيحل الامور الامنية بصيدا
أهلي وناسي says:
عبر وسطاء
Help us Aiding Nahr el Bared says:
هههه
أهلي وناسي says:
اشمعنى بنهر البارد لا يعني؟
أهلي وناسي says:
عشان حسبو انو القصة رح تخلص بكم يوم
أهلي وناسي says:
وانو بيقدرو يلزقوها بسورية بسهولة
Help us Aiding Nahr el Bared says:
لا ليش ماخلصوا بطرابلس؟
Help us Aiding Nahr el Bared says:
شو مافي هنيك فتح اسلام كمان؟
أهلي وناسي says:
كل يوم عم تفيق لهم خلية نايمة
Help us Aiding Nahr el Bared says:
ماخسروا هنيك 27 "شهيد"؟
أهلي وناسي says:
هني مفكرين القصة شربة مي
أهلي وناسي says:
هيهم عم يسلقو وعدهم
أهلي وناسي says:
الله لا يقيمهم بصراحة
أهلي وناسي says:
التعرصة اللبنانية بدها هيك اشي مفجع
أهلي وناسي says:
بس وحياتك
أهلي وناسي says:
زي طيزهم اللبنانية
أهلي وناسي says:
بكرا بيرجعو بيقامرو بدمهم من تاني
Help us Aiding Nahr el Bared says:
انا حاسه الحرب قريبه
أهلي وناسي says:
طول ما الكلاب اللي لعبو بدمنا طول الحروب السابقة موجودين
Help us Aiding Nahr el Bared says:
وعم ينحكى عنا من هلا
أهلي وناسي says:
فشو تغير يعني؟
أهلي وناسي says:
الاكيد انو هي اقرب مما نتخيل, واكثر امكانية اليوم من اي وقت مضى
أهلي وناسي says:
ولكن: هل ستحدث؟
أهلي وناسي says:
هالشي بيعتمد ع الخارج مش ع لبنان داخليا
أهلي وناسي says:
اليوم يُ؛كى عن مفاوضات سورية -امريكية
أهلي وناسي says:
يُحكى
Help us Aiding Nahr el Bared says:
اي نعم
أهلي وناسي says:
ولو توصلو الى صيغة حل
أهلي وناسي says:
فعلى لبنان الباي باي
Help us Aiding Nahr el Bared says:
اي
Help us Aiding Nahr el Bared says:
امريكا بتبيع 14 كرمال العراق
أهلي وناسي says:
بتبيعنا كلنا فرق عملة
أهلي وناسي says:
المحافظون الجدد شنو حرب كونية عشان النفط
Help us Aiding Nahr el Bared says:
اها
أهلي وناسي says:
لبنان ما عندو بخة غاز
أهلي وناسي says:
وين محلو بهالمعادلة كلها ؟
Help us Aiding Nahr el Bared says:
هه
أهلي وناسي says:
فرق عملة
أهلي وناسي says:
لبنان مكسر عصا لاختبار صلابة سوريا و ايران*
Help us Aiding Nahr el Bared says:
عزيزتي لازم تنشري هالحوار على مدونتك
Help us Aiding Nahr el Bared says:
حلو كتير
أهلي وناسي says:
قولتك

أهلي وناسي says:
بشوف بمدونتك: ماسحة الارض ببلير
أهلي وناسي says:
:)
Help us Aiding Nahr el Bared says:
هاها
Help us Aiding Nahr el Bared says:
اي
Help us Aiding Nahr el Bared says:
قال مبعوث سلام قال
أهلي وناسي says:
هههه
أهلي وناسي says:
لازم بأول مشوار الو ع المنطقة
أهلي وناسي says:
نعمل فيه اكتر مما عملو طلبة بيرزيت بجوسبان
أهلي وناسي says:
هلق بدي انشر الحديث
أهلي وناسي says:
رح اسميه "تشات بنات"
أهلي وناسي says:
هيك بنات البلوغ بيطقو حنك لأنو

Help us Aiding Nahr el Bared says:

ههههه, ايوه