في باب العار: فتواي و تعريفات

العار: ما يجري في مخيم نهر البارد منذ يوم الاحد الماضي

العار: ان نكتشف ان للجيش اللبناني تجهيزات لا تقل فعالية في قدراتها التدميرية عن باقي الجيوش الآثمة, مع فارق بسيط: انها توجهها_عن بو جنب_ ضد مدنيني فلسطينين هذه المرة ايضاً! ويقولون لك: لبنان يحتضن قضية فلسطين. و "آويناهم" آوى اللي يأويكم يا اولاد الكلاب, قال آويناهم قال

العار: ان يبكي فلسطيني أمام عين الكاميرا, فتخجل من دمعه ولا يخجل العالم المفتوحة عيونه و شهيته على المزيد من نصاعة دمهم إحنا زي وباء, ما حدش بدو إيانا, أحسن إشي يرموا علينا كيماوي و يدوبونا

العار: ان تتعفن الجثث و تتفاقم الجراح المستجدة فوق الندوب التي لم تبرؤ اصلأً بسبب "النيران الصديقة" بتوقيع الجيش اللبناني

العار: ان يسألك شخص تعمل معه منذ سنين ويعرف من انت من نقاشات و اختلافات كثيرة, وبكل وقاحة: قوليلي هلق الفلسطينية معهم حق يا ست ملاك؟

العار: ان يغضب البعض وبقوة مما يحدث, لا لأن الدم المستباح غالٍ و ذا قيمة لا تقل عن قيمة دم شهداء الجيش اللبناني المغدورين على يد عصابات تنكر لها وتبرئ منها كل فلسطينو اللجوء في لبنان, بل لأنهم يؤمنون بنهج الحجة هيفا في الحياة "بدي اعيش" ااا ا

العار: العار لا يحتمل التأويلات

العار : "يا أبيض يا أسود, لكن موش رمادي" بحسب الست لطيفة التونسية

العار: عار السكوت, وعار الاشاحة بالعين و الضمير و تنحية الذاكرة عما يحدث في ذمة شهادتنا على عالم يريد ان يمعن صمماً و بكماً و عماء عما يحدث بعد لو نحن ما ازعجناه

العار: ان ينزف دم المخيم نهراً دفاقاً حاراً فيك, ونصفك القاتل, ونصفك الاخر المقتول

العار: ان تصرخ عار, وان لا تصرخ عار

وكل العار انك بعد كل هذا العمر, لا زلت تقف امام نفسك وتسألها مندهشاً: اي خط وخيط وخطوة وخطيئة تفصل بين الكرامة والعار؟

هناك تعليقان (2):

Bakria يقول...

ضل عندك حكي؟ ما ضل عندي حكي
:(

ملاك يقول...

سلام قبل الحكي
وسلام بعد الحكي
سلامي إلك
مع انو ما في حكي ولا حتى في بكي
في قلوب فيها الوجع
وانتي السفر و الشوق
وانا: سلامي معك


::


لو اني بعرف تكنولوجيا كنت بعتلك الاغنية يا بكرية لتنجرحي مثلي بالحنين,_مع انو بنفس الوقت بدعي لسلامة قلوب كل الناس_ولتعرفي شو بيضل بعد الحكي, وقبله واثنائه

هي بالمناسبة اسمها"سلامي إلك" لشربل روحانا بعمله الاخير:خطيرة

::

شو بيضل من الحكي؟
الحكي بيضلو حكي ع قولة هالحدا

بس بيضل في الشغل لتمنعي المزيد من هيك غصات, وتقصري الطريق ع هالنوعية من الاسئلة و هالكم الهائل والمكثف من المشاعر اللي ممكن تذبح فعلاً

ع الاقل هيك انا بعمل, وبعدني بعيش على أمل انو يضل في شي ينحكى

::

كوني بخير يا صبية
وكل 25 ايار و فلسطين وانتو لقلوبنا اقرب