إلي بعيدي

من سنة لسنة, يوم عيدي بيكون وقفة و جردة حساب مع حالي: هالسنة كانت كبيرة و طويلة و عريضة و مليانة انفعالات و انجازات و خيبات و طفحت حب و صداقات وخيانات

هالسنة كانت مكثفة على صعيد كل التجارب

وبرغم كل الوجع, والحزن و التعب و الشجن و الضحكات المؤجلة و الاحزان اللي دايماً ع الوقت: بتمنى إلي انو سنتي الجديدة تكون زي اللي مضت

سنة غنية و شهية و تضل ماثلة بالذاكرة و الروح كتير و على طول, تعلمني و تقويني وتمتن انتمائي لبلادي و اهلي و ناسي و تختبر مبدئيتي و استقامتي و ضميري


ومن أنا لكل اللي صنعوا سنتي اللي بودعها اليوم" شكراً" ع كل شي, ورغم كل شي_ كان وما كان و لا رح يصير_ بحبكم: لولاكم ما كنت بحتفل بكل تفصيل اليوم بهالرضى

هناك 9 تعليقات:

غير معرف يقول...

Happy birthday ya amar :)

أحمر يقول...

عيد ميلادك؟
فعلا هذه السنة كانت جميلة، وراح نتذكر الأيام إللي رفعنا فيها راسنا(آمل أن هذا لم يكن مؤقتا)، وكيف ظهرت ملاك على الشاشة زي الوعد الصادق
كل سنة وإنتي سالمة

ملاك يقول...

انونيموس: شكراً ع مرورك, بس هيدي عيد أنا, قمر مين؟
:]



::


أحمر, شيخي بتنعاد هالسنة بلحظات و أيام طويلة يضل راسنا فيها مرفوع لتنقرم رقبتنا


بس دخيلك تفهمني شو هيدي زي الوعد الصادق؟


وبدي السنة الجايي أكون سالمة من السلامة و السلام بحيفا (برضو بعزمك مع انو يعني مش حنجوزك) ونحكي و نضحك بصوت عالي و حر و عربي


:)

أحمر يقول...

تذكرت أول "طوشة"، عندما أكدتِ حضرتك أنها شغلة بدها ألله، لإنو دايما فيه ملاك في البيت، وحزب ألله في الشارع

وقتها بانت نواجي أنا
عشان هيك قلت ملاك إجت مع الوعد الصادق

مواويل يقول...

عيد ميلاد سعيد يا ملاك

سنة التغيرات العنيفة

المتشائل يقول...

عيد ميلاد... وطفي الشمع وكعكه ومسجات .. وهدايا... كوكاكولا لترطب الجو... بوريكس... بوس ... ابتسامات صفرا... مجاملات ما الها طعم
زي البوريكس
... امنيات
وعود

شو بدك بتعب البال !فوق هاد كله بدك وقفه جرد حساب؟!
انك تتمني السنه الجاي تكون زي اللي مضت هاد مش تواضع ولا مدري شو... بيكون احلى لو تتمني تكون السنه الجاي احلى من اللي مضت
وما بيكفيكي وجع القلب طول السنه و بدك باخرها كمان تتوجعي !
كمان كم يوم بتجي اخر السنه الميلاديه برضوا بتعملي جرد حساب ؟ .... اي والله مصلحه الضرايب ما هيك!

على انغام فيروز بتغنيلك ...غاب نهار اخر بتمنالك تحققي كل ما بيتمتاة قلبك...

فبلاتي....

ملاك يقول...

أحمر شيخي

طلع معي حق: دايماً في حزب الله بالشارع

:]

و ع فكرة: الوعود و الصدق زيي, مش انا زي الوعد الصادق, لأنو انا اصلاً هيك من قبل تموز

ما احلانا نصير نربط الشمس او احامضة او الموزة بعلم حزب الله ع أساس انو اصفر


انا باينة نواجذي انك متذكر هيديك الطوشة :)

ملاك يقول...

هي باينة من أولها عنيفة هالسنة يا زرياب

بس مش ع مستوى التغيرات الشخصية: ع الارجح_وهو اللي عم بشتغل عليه_ انو أكفي أعمق باللي انا فيه و اتجذر بممارسته اكثر

اما عن العنف, فالانكى انو ابداً مش ثوري رح يكون


كل يوم و انت اسعد تسلملي

ملاك يقول...

هلا هلا و الله بالمتشائل

حيا الله خيو

وين هالغيبة؟

مممم, بتصدق انو بالحياة ما بيعرف بعيدي الا اللي بعرفهم و بيعرفوني و منهم بعض؟

افتراضياً الامور شوي غير, بس زي ما قلتلك قبل, هيدي مساحة ملاك الخاصة لتحكي شو بدها لحالها بالدرجة الاولى

وانا هيك تمنيت "إلي بعيدي" وسنة 2006 ع كل تعبها و احزانها كانت وحدة من أهم سنين عمري و أغناها و أعلاها تكثيفاً للأحداث اللي بتغير الحياة, عشان هيك ما بزعل من سنة جديدة زيها

ثم: جردة الحساب تبع مصلحة ضرايب أنا بعملها بشكل سنوي بعيدي, بس اذا بدك كل يوم في جردة حساب من نوع ما

يللا نهارك سعيد مع صوت فيروز عم بتبعت سلامي و سلامها لأهل الارض المحتلة, اللي قلبي معهم


صحيح: شو يعني بوريكس؟

و"غاب لهار اخر" بصوت أحد الاختين شماس, وانا ما بشرب كوكا كولا لأنها من شركة داعمة للصهيونية و انا مُقَاطِعة